O‘yindan lavha. «Qayrat» FK fotosurati
Olmaotaning «Qayrat» klubi UYEFA Konferensiyalar ligasining 2026/27 yilgi mavsumi umumiy bosqichi birinchi turida «Riga» jamoasi bilan durang o‘ynadi. Latviya poytaxtida bo‘lib o‘tgan uchrashuv 1:1 hisobida yakunlandi.
«Qayrat» beshinchi daqiqadayoq hisobni ochdi. VAR tizimi orqali vaziyat ko‘rib chiqilganidan so‘ng, hakam Rayvis Yurkovskisning Oyva Yukkolaga nisbatan qoidabuzarligi uchun penalti belgiladi. Mark Gual 11 metrlik jarimadan aniq foydalandi.
12-daqiqada Saloh Ulad M'Xand hisobni tenglashtirdi. Keyinroq mezbonlar ham penalti tepish huquqini qo‘lga kiritishdi, ammo Temirlan Anarbekov Muhammad Badamusining zarbasini qaytardi. Ikkinchi bo‘limda jamoalar gol ura olishmadi.
Shu tariqa, «Qayrat» Konferensiyalar ligasi umumiy bosqichidagi dastlabki ochkosini qo‘lga kiritdi.
Olmaota klubi Yevropa ligasidan chiqib ketganidan keyin Konferensiyalar ligasida ishtirok etish imkoniyatiga ega bo‘ldi. Pley-off bosqichida Rafael Urazbaxtin shogirdlari Belgiyaning «Anderlext» klubiga ikki marta 0:3 hisobida mag‘lub bo‘lishgan edi.
«Qayrat» Konferensiyalar ligasidagi navbatdagi uchrashuvini 22 oktyabr kuni o‘z maydonida Gretsiyaning «Panatinaikos» klubiga qarshi o‘tkazadi.
