O'zbekiston prezidenti matbuot xizmati fotosurati
Toshkent shahar hokimiyati Xitoy kompaniyalari bilan umumiy qiymati 3,5 milliard dollardan ortiq bo'lgan investitsiya va eksport shartnomalarini imzoladi. Bu haqda Toshkent shahar hokimiyati matbuot xizmati xabar berdi.
Kelishuvlarga 21-22 may kunlari Xitoyning Sian shahrida bo'lib o'tgan III O'zbekiston-Xitoy mintaqalararo hamkorlik forumi davomida erishildi.
Jumladan, BRT (Bus Rapid Transit), yo'l o'tkazgichlari va yo'l infratuzilmasini rivojlantirish uchun 1 milliard dollar rejalashtirilgan. Transport va ijtimoiy infratuzilmani rivojlantirish bo'yicha qo'shma investitsiya loyihalari uchun yana 1 milliard dollar ajratilishi ko'zda tutilgan.
Bir qator Xitoy texnologiya va sanoat kompaniyalari — Jwise, Zhongke Honghu, CAS Cloud va UMGG «Yangi Avlod» maxsus sanoat zonasini rivojlantirishga 130 million dollar sarmoya kiritadi.
Alohida shartnomalar bezak toshlarini ishlab chiqarish (150 million dollar), chiqindilarni saralash uchun «alli» uskunalari ishlab chiqarish (50 million dollar) va keramika mahsulotlari (150 million dollar) ishlab chiqarishni qamrab oladi.
Drenaj tizimlarini, irrigatsiya va yomg'ir suvlarini chetlashtirish tizimini rivojlantirish uchun 400 million dollar, 24/7 formatidagi zamonaviy brendli ko'chalarni yaratish uchn 100 mln dollar;
— renovatsiya hududlarida zamonaviy ko'p qavatli turar joy majmualarini qurish uchun 500 mln dollar ajratiladi.
Shuningdek, zargarlik buyumlarini yetkazib berish bo'yicha umumiy qiymati 150 mln dollarlik 3 ta shartnoma imzolandi. Bundan tashqari, paxta ip-kalava eksporti bo'yicha — 5 mln dollar, kumush konsentratini yetkazib berish bo'yicha 1 mln dollarlik kelishuvlar imzolandi.
Moliyalashtirish davlat byudjeti mablag'lari yoki davlat kafolatlaridan foydalanmasdan, EPC+F (muhandislik, ta'minot va qurilish plyus moliyalashtirish) modeli orqali jalb qilinadi. To'lovlar shahar byudjeti daromadlarining yangi manbalaridan bosqichma-bosqich amalga oshiriladi.
O'zbekiston-Xitoy mintaqalararo forumida so'zga chiqqan O'zbekiston Bosh vaziri o'rinbosari Jamshid Xo'jayev so'nggi yillarda ikki tomonlama savdo hajmi uch baravarga oshib, 18 milliard dollarga yetganini ma'lum qildi. O'zbekistonga to'g'ridan-to'g'ri Xitoy investitsiyalari besh baravarga oshib, 2025-yilda 17 milliard dollarga yetdi. Hozirda O'zbekistonda 5400 dan ortiq Xitoy kompaniyalari faoliyat yuritmoqda.
Birinchi O'zbekiston-Xitoy mintaqalararo hamkorlik forumi 2024 yil yanvarь oyida Xitoyning Urumchi shahrida, ikkinchisi esa 2025 yil iyunь oyida Samarqand shahrida bo'lib o'tgandi.
