O‘zbekiston-Urugvay o‘yinidan lavha. O‘FA matbuot xizmati fotosurati
13 oktyabr kuni Malayziyada bo‘lib o‘tgan o‘rtoqlik uchrashuvida O‘zbekiston milliy terma jamoasi Urugvayga 2:1 hisobida imkoniyatni boy berdi. Bu O‘zbekiston terma jamoasining italiyalik murabbiy Fabio Kannavaro qo‘l ostidagi ikkinchi uchrashuvi edi: birinchi o‘yinda O‘zbekiston terma jamoasi Quvaytni 2:0 hisobida mag‘lub etdi.
O‘zbekiston terma jamoasi Urugvayga qarshi o‘yinga optimal tarkibda yondashmagan edi. Abduqodir Husanov, Jaloliddin Masharipov, Xusniddin Aliqulov kabi bir qancha asosiy futbolchilar jarohat olgandi. Avvalgi bahsda Abbos Fayzullayev ham jarohat olgan edi. Ayni paytda Urugvay terma jamoasi Malayziyaga ko‘pchilik yulduzlarisiz yetib keldi, biroq bu tarkib ham Janubiy Amerika terma jamoasiga O‘zbekistonni mag‘lub etishi uchun yetarli bo‘ldi.
Birinchi bo‘lim anchagina teng kurashlar ostida o‘tdi, jamoalar ehtiyotkorlik bilan o‘ynashdi va tanaffusga biroz vaqt qolganda keskin hujumlar almashishdi. Ikkinchi bo‘limda tashabbusni Urugvay o‘z qo‘liga oldi: 51-daqiqada Fakundo Torres hisobni ochgan bo‘lsa, o‘n daqiqadan so‘ng Xuan Manuel Sanabriya dublga erishdi. Ikkala golni Federiko Vinyas tashkillashtirgan edi va u Muhammadqodir Hamraliyevni ikki marta aldab o‘tib, golli uzatmani amalga oshirdi. O‘zbekistonliklar hisobni qisqartirishga muvaffaq bo‘lishdi: 82-daqiqada Ruslanbek Jiyanov gol urdi.
Bu mag‘lubiyat O‘zbekiston – Urugvay o‘yini tarixidagi uchinchisi bo‘ldi: o‘zbekistonliklar bungacha 2018 va 2019 yillari ham 0:3 hisobida mag‘lub bo‘lgandi.
