freepik.com sayti fotosurati
Qozog‘istonda yangi kriptofond Alem Crypto Fund ishga tushdi. U Sun’iy intellekt va raqamli rivojlanish vazirligi tomonidan Qazaqstan Venture boshqaruvi ostida yaratilgan va «Astana» xalqaro moliya markazi (AXMM) ekotizimida ro‘yxatdan o‘tgan, deb xabar beradi vazirlik matbuot xizmati.
Fond raqamli aktivlarga uzoq muddatli investitsiyalar va zaxiralarni shakllantirishga e’tibor qaratadi. Kelajakda u davlat jamg‘armalari vositasiga aylanishi mumkin, «mamlakat kelajak moliyasini boshqarish imkoniyatlarini kengaytirgan holda», deyiladi bayonotda.
Keyinroq Qozog‘iston Milliy banki hozirda yangi fond davlat zahiralarini boshqarish vakolatiga ega emasligini ta’kidladi.
«Alem Crypto Fundning tashkil etilishi Qozog‘istonda raqamli moliyani rivojlantirish yo‘lidagi qadamdir. Maqsadimiz uni yirik investorlar uchun ishonchli vosita va raqamli davlat zaxiralari uchun muhim poydevorga aylantirishdir», — deya ta’kidlaydi Qozog‘iston Respublikasi Bosh vaziri o‘rinbosari, Sun’iy intellekt va raqamli rivojlanish vaziri Jaslan Madiyev.
Binance Kazakhstan —global Binance ekotizimidagi mahalliy litsenziyaga ega kompaniya va raqamli aktivlar bo‘yicha dunyodagi eng yirik fondning strategik hamkoriga aylandi.
Alem Crypto Fund BNB Chain tarmog‘ining asosiy belgisi bo‘lgan BNBni sotib olib, o‘zining birinchi investitsiyasini amalga oshirdi. U tranzaksiyalar, to‘lovlar va tarmoqni boshqarish uchun ishlatiladi.
May oyi oxirida prezident Qosim-Jomart To‘qayev kriptovalyutalardan tovarlar, xizmatlar va boshqa maqsadlarda xarid qilish uchun ishlatilishi mumkin bo‘lgan CryptoCity pilot zonasi yaratilishini e’lon qilgandi. Keyinchalik Raqamli rivojlanish vaziri Jaslan Madiyev (bu vazirlik qayta tashkil etilgan va hozirda Sun’iy intellekt vazirligini boshqaradi) Alataudan loyiha uchun tayanch shahar sifatida foydalanish mumkinligiga aniqlik kiritdi.
O‘tgan yozda Qozog‘iston Milliy banki (QMB) iste’molchilarga «Astana» xalqaro moliya markazida kripto birjalarida hamyonlar bilan bog‘langan naqd pulsiz operatsiyalarni amalga oshirish imkonini beruvchi kriptoto‘lov kartasi loyihasini ishga tushirdi. Hozirda u yerda bir nechta kripto xizmatlari, jumladan Binancening mahalliy filiali va Bybit birjasi ro‘yxatga olingan.
